என்ன பயன் ?

கண்ணியத்தோடு வாழ வேலை

கனவைத் தொடர சாலை! - இரண்டும் தாராத 

கல்வி கற்று என்ன பயன் ?

இன்பத்தை வகுத்து விட்டு 

இழப்பை பெருக்கிக் கொண்டு, முதிர்வதற்கு , 

இளமை இழந்து என்ன பயன் ?

சட்டைப் பையில் காந்தியில்லாதவருக்கு 

சற்றே நீதி வழங்காத 

சட்டம் காத்து என்ன பயன் ?

மனித உணர்வை மதியாத 

மங்கும் நாட்டை நிமிர்த்தாத 

மக்கள் ஆட்சியில் என்ன பயன் ?

பகுத்தறிவு சிறிதும் இல்லாமல் 

பண்பையும் அன்பையும் தேடாமல் - வாழும் 

பணம் படைத்தவரால் என்ன பயன் ?

ஈதல் தான் இல்லையென்றால் 

ஈரம் கூட இல்லாமல் 

ஈட்டி தாங்குபவரால் என்ன பயன் ?

இச்சகத்து நடக்கும் கொடுமையெலாம் - பார்த்துவிட்டும் 

இருகண்ணிருந்தும் குருடாய் விளங்கும் 

இறைவன் இருந்தாலும் என்ன பயன் ?

அறிவுக் கண் திறவாமல் 

அன்பு மொழி கேளாமல் , திரிபவர்க்கு ,

அழகுக் கவிதை படித்தும் என்ன பயன் ?